روايات وقصص

رواية آدم وحبيبة كاملة

مروان: أنا ماشي بس راجع تاني استلم شغلي بكره على قلبك يا معلم، (وضحك ومشي).

كمل أدم يومه في الشركة ما بين التصاميم والملفات، وحاول على قد ما يقدر يخلص شغله بسرعة عشان يلحق يجيب أكل لحبيبة ويروح قبل المغرب، وفعلا جاب أكل جاهز من المطعم وكمان جبلها تمر بلح وروح قبل المغرب.

فتح أدم باب الشقة لقي ريحة مسك حلوة أوي خارجة من الشقة وصوت القرآن من التلفزيون يخلي أي حد يسمع الصوت دا يرتاح نفسيا.

أدم: السلام عليكم يا حورية.

لف بنظره ما لقاهاش في الصالة، راحلها المطبخ.

أدم: بتعملي إيه يا حورية؟ خدي الأكل اهو حضري الأطباق وتعالي، وكمان جبتلك تمر.

حبيبة بابتسامة: ربنا يخليك ليا يا أدم، أنا بعمل عصير مانجو فريش.

أدم: أوك أنا هادخل أخد شاور ع السريع.

حبيبة: ما تنساش تتوضا يا أدم عشان نصلي المغرب جماعة.

أدم: حاضر.

وفعلا المغرب أذن وصلوا جماعة، وحبيبة هتبدأ تفطر، قعدت ع السفرة حبيبة بدأت تدعوا: “اللهم إني لك صمت وعلى رزقك أفطرت وبك آمنت وعليك توكلت ذهب الظمأ وابتلت العروق وثبت الأجر يا واسع الفضل، اللهم آتنا في الدنيا حسنة وفي الآخرة حسنة وقنا عذاب النار”.

أدم كان بيسمع حبيبة وهي بتدعي وحاسس بسعادة مش عارف سببها، فطروا وبعدها حبيبة شالت الأكل ودخلت أوضتها جابت حاجة وخرجت.

حبيبة: أدم، ممكن تقبل مني الهدية دي؟

أدم بص لقاه صندوق من الخشب العاج وعليه رسومات أرابيسك نقوش إسلامية، أخده وفتحه لقي مصحف جميل مسكه وفضل يتأمله.

حبيبة: أنا لما نضفت الشقة لاحظت إنه مافيش مصحف خاص بيك عشان كده جبتهولك.

أدم بارتباك: أصلي نسيت المصحف بتاعي في الفيلا.. بجد شكرا يا حورية ع الهدية الغالية دي. بالحق تعالي هنا.

حبيبة: نعم؟

أدم: إنتي جبتي فلوس منين؟ أوعي تقولي اخدتي من أبوه!

حبيبة: أدم أنا معايا فلوسي الخاصة، أنا بشتغل.

أدم: بتشتغلي !!!!!! بتشتغلي إيه؟

حبيبة: أنا خريجة ألسن قسم أنجلش وبشتغل مترجمة محتوى ع النت.

أدم: يااااه أنا كنت فاكرك خريجة دراسات إسلامية.

حبيبة: ليه يعني عشان استايل لبسي؟ ليه يا أدم هو كل واحد بيلبس حسب دراسته ولا إيه؟ الاحترام والعفة مالهاش علاقة إنت درست إيه يا أدم؟

أدم: طب وإنتي بتشتغلي ليه ع النت؟ مانتي ممكن تلاقي شغل في مكان أفضل وبمرتب أعلى.

حبيبة: الشغل في الشركات يعني اختلاط وزمالة وأنا بصراحة مش عايزة احتك بأي حد غريب عني.

أدم سرح في كلامها وقال في نفسه: ياااه قد إيه إنتي جميلة يا حبيبة وبتكبري في نظري كل يوم! يا ريت يا رنا لو كنتي زي حبيبة وعارفة حدودك في التعامل مع الشباب والصحوبية، ويا ريت يا حبيبة كنت قابلتك قبل ما قلبي يتعلق برنا.

حبيبة: أدم أنت سرحت في إيه؟

أدم: سرحت فيكي يا حورية يا مغلباني، إنتي حياتك كلها بقا صلاة وقرآن ونوم وأكل بس، مافيش حاجة تانية؟

حبيبة ببرأة: لا، مانا متابعة برنامج مصطفى حسني، وكمان متابعة مسلسل إسبونج بوب سكوير بانتس.

أدم بصدمة: نعممممم!!!! دا متهيألي مسلسل كرتون صح يا حورية؟

حبيبة مسكت إيد أدم وقعدته جنبها ببرأة وقالت: أيوا أيوا.

أدم: هو إنتي عندك طفولة متأخرة ولا إيه يا حورية؟

حبيبة بجدية: لا يا أدم، أنا بحب إسبونج بوب جدا، دا شخصية وفية وصاحب صاحبه، بيحب صاحبه، بسيط جدا ومخلص جدا في شغله وكمان مخلص لمديره مستر سلطع.

أدم عدل قعدته كده وعامل نفسه مهتم بكلامها.

أدم بسخرية: ياااااه الموضوع كده يستحق الاهتمام دانا شكلي كان فايتني حاجات كتير يا حورية! لا لا من النهارده أنا هتابع السفنجة الصفرا دي اللي بتقول حكم.

حبيبة ضحكت: بجد كلامك بيضحكني يا أدم، اسمه إسبونج بوب.

أدم قرب أوي منها وهمس في ودنها: مانا عارف! ولسه هيبوسها تليفونه رن.

أدم اتحرج وبعد عنها وحبيبة اتكسفت ووشها جاب ألوان، أدم مسك الفون لقى رنا اللي بتصل، أخد الفون ودخل أوضته وبعدها بشوية خرج من أوضته ولابس ومتشيك.

حبيبة: إنت هتخرج دلوقتي يا أدم؟

أدم: أممم أنا خارج يا حورية ع ما تخلصي فرجة ع إسبونج بوب عندي شوية شغل، سلام يا حوريتي.

حبيبة ابتسمت: ربنا يوفقك، خلي بالك وأنت سايق.

أدم وصل عند بيت رنا وركبت معاه العربية.

أدم: حابة تروحي فين يا رنون؟

رنا: نروح نتعشى في حتة هادية يا دوومي.

أدم: أوك.

ساق ووصل عند مطعم فاخر ونزلوا، أول ما دخلوا شافوا مروان قاعد ع ترابيزة لوحده.

رنا بصدمة: مروان!!!! أدم هو فين… اه فعلا دا مروان تعالي نروحله.

أدم: هو جه أمتى؟ النهارده الصبح.

راحوا عند مروان.

أدم: مروان أنت قاعد وحدك كده ليه؟ مافي حتت كتير هنا كنت جبت واحدة منظر كده.

مروان تجاهل رنا تماما: أنا ماليش في الحتت وانت عارف.

رنا: ازيك يا مروان؟

مروان (ما بصش عليها): أهلاً آنسة رنا.

أدم: احنا هنقعد معاك نسليك ونتعشى معاك.

مروان: لا مانا اتعشيت، أنا ماشي سلام.

أدم: سلام يا اخويا. أنا كمان اتعشيت يا رنا شوفي إنتي هتاكلي إيه.

رنا بسهوكة وزعل مصطنع: يا سلام يا سي أدم! وأنت من أمتى بتتعشى بدري كده؟

أدم: أصلي حوري… قصدي حبيبة كانت صايمة النهارده وافطرنا سوا.

رنا: مجنونة دي ولا إيه؟ في واحدة تصوم يوم صبحيتها؟

أدم سرح في حبيبة: هو فعلا جنان.

أدم طلب أكل لرنا واتعشت وبعدها اتحجج إنه تعبان وعايز يروح، هو مش عارف ليه لما بيكون بعيد عن حبيبة بيكون بقلقان عليها مش عايز يسيبها لوحدها أبدا.

أخد رنا وصلها لغاية بيتها ورجع البيت لقي حبيبة لسه صاحية وبتقرأ قرآن.

أدم: الله، ما نامتيش يعني يا حورية؟

حبيبة: بصراحة كنت مستنياك، كنت حابة أطلب منك حاجة.

أدم: اتفضلي يا حورية.

حبيبة: في آية في القرآن أنا مش فاهمة معناها، في سورة الأنعام الآية بتقول: (وَثَمَانِيَةَ أَزْوَاجٍ مِّنَ الضَّأْنِ اثْنَيْنِ وَمِنَ الْمَعْزِ اثْنَيْنِ قُلْ آلذَّكَرَيْنِ حَرَّمَ أَمِ الأُنثَيْنِ أَمَّا اشْتَمَلَتْ عَلَيْهِ أَرْحَامُ الأُنثَيْنِ نَبِّئُونِي بِعِلْمٍ إِن كُنتُمْ صَادِقِينَ * وَمِنَ الإِبِلِ اثْنَيْنِ وَمِنَ الْبَقَرِ اثْنَيْنِ قُلْ آلذَّكَرَيْنِ حَرَّمَ أَمِ الأُنثَيْنِ أَمَّا اشْتَمَلَتْ عَلَيْهِ أَرْحَامُ الأُنثَيْنِ أَمْ كُنتُمْ شُهَدَاء إِذْ وَصَّاكُمُ اللَّهُ بِهَذَا فَمَنْ أَظْلَمُ مِمَّنِ افْتَرَى عَلَى اللَّهِ كَذِبًا لِيُضِلَّ النَّاسَ بِغَيْرِ عِلْمٍ إِنَّ اللَّهَ لا يَهْدِي الْقَوْمَ الظَّالِمِينَ * قُل لَّا أَجِدُ فِي مَا أُوحِيَ إِلَيَّ مُحَرَّمًا عَلَى طَاعِمٍ يَطْعَمُهُ إِلَّا أَن يَكُونَ مَيْتَةً أَوْ دَمًا مَّسْفُوحًا أَوْ لَحْمَ خِنزِيرٍ فَإِنَّهُ رِجْسٌ أَوْ فِسْقًا أُهِلَّ لِغَيْرِ اللَّهِ بِهِ فَمَنِ اضْطُرَّ غَيْرَ بَاغٍ وَلاَ عَادٍ فَإِنَّ رَبَّكَ غَفُورٌ رَّحِيمٌ * وَعَلَى الَّذِينَ هَادُواْ حَرَّمْنَا كُلَّ ذِي ظُفُرٍ وَمِنَ الْبَقَرِ وَالْغَنَمِ حَرَّمْنَا عَلَيْهِمْ شُحُومَهُمَا إِلاَّ ما حَمَلَتْ ظُهُورُهُمَا أَوْ الْحَوَايَا أَوْ مَا اخْتَلَطَ بِعَظْمٍ ذَلِكَ جَزَيْنَاهُم بَبَغْيِهِمْ وَإِنَّا لَصَادِقُونَ).

أدم: صدقيني يا حورية أنا كمان كنت مشغول بيكي وعاوز نقضي وقت كويس سوا، تعالي نقعد نقرأ الآيات دي مع بعض ونتفكر فيها.

جلس أدم بجانب حبيبة وبدءا يقرآن تفسير الآيات بهدوء وسكينة، ومرت الليلة في طاعة وراحة، وبدأت مشاعر أدم تتغير تدريجياً، حيث وجد نفسه يميل إلى الاستقرار والسكينة التي يجدها بجانب زوجته، متخلياً عن عاداته القديمة شيئاً فشيئاً نحو حياة جديدة يسودها الهدوء والالتزام.

“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”

4 من 4التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى