في اللحظة دي حسيت إن رجلي مش شايلاني. سندت إيدي على الحيطة عشان ما أقعش وقلبي بيدق لدرجة حسيت إنه… محدش هيلاحظ أي حاجة. الجملة كانت بتتكرر في دماغي بشكل مرعب. يعني إيه؟ هيعمل إيه وقت الولادة؟ وليه أمه تعرف؟ رجعت لورا بهدوء قبل ما يحس بيا ودخلت بسرعة. أول ما قفلت الباب، حسيت نفسي باختناق. بصّيت على وحطّيت إيدي عليها تلقائي.
أول مرة في حياتي أخاف على ابني بالشكل ده. فضلت قاعدة سامعة صوته وهو بيتكلم برا. هادئ جدًا. وده اللي كان مرعب. لأن الشخص اللي بيخطط لحاجة مخيفة وهو هادي بيكون أخطر من اللي بيزعق.
بعد شوية دخل . لقيت بيبصلي ويبتسم
لسه صاحية
هزيت راسي بسرعة
صحيت عطشانة.
قرب مني وقعد جنبي، وبدأ يمرر إيده على بطني بهدوء. همس
قريب أوي وكل حاجة هتبقى كاملة.
الجملة دي زمان كانت هتفرحني. لكن الليلة دي تظاهرت بالتعب وغمّضت عيني. لكني ما نمتش. ولا دقيقة.
تاني يوم الصبح أول ما نزل الشغل، مسكت موبايلي واتصلت بالدكتورة اللي كشفت عليا. ردّت بسرعة كأنها كانت مستنياني. قلت بصوت متوتر
لو سمحتي قوليلي الحقيقة.
سكتت ثواني وبعدين قالت
تعالي العيادة فورًا.
روحتلها وأنا مرعوبة. أول ما دخلت مكتبها، قفلت الباب بنفسها. وقالت بهدوء
أنا محتاجة أسألك سؤال مهم جدًا وجاوبيني بصراحة.
هزيت راسي. قالت
هل كل التحاليل اللي كنتِ بتعمليها كانت عند جوزك؟
آه.
وهو اللي كان بيديكي الأدوية بنفسه؟
آه.
الدكتورة سكتت وبعدين طلعت ملف قدامها. فتحته ببطء وقالت
في فرق كبير جدًا بين التحاليل اللي جوزك كان بيقولهالك وبين اللي أنا شوفته امبارح.
حسيت بتتقفل من الخوف. قلت بصوت
يعني إيه؟
بصّتلي مباشرة وقالت
إنتِ
مش حامل طبيعي.
الدنيا لفت بيا
إيه؟!
قالت بسرعة
قصدي إن حالتك فيها تدخلات طبية معقدة جدًا وفي آثار أدوية كان لازم تكوني عارفاها.
إيدي بدأت ترتعش
أنا مش فاهمة.
الدكتورة قربت الملف ناحيتي
فيه أدوية كنتِ بتاخديها أثّرت على جسمك بشكل غريب والأغرب إن جوزك ما كتبهاش في أي تقرير.
قلبي بقى يدق أسرع
طب والبيبي؟
سكتت. وده خوّفني أكتر. قلت بعصبية
اتكلمي!
قالت بهدوء
الجنين كويس لكن فيه حاجة مش طبيعية في بيانات الحمل نفسها.
شهقت
يعني إيه؟!
يعني في احتمالية إن تاريخ الحمل الحقيقي مختلف عن اللي إنتِ فاكراه.
بصّيتلها بعدم استيعاب. هي بتقول إيه؟! أنا متجوزة بقالي سنة ونص وحملت بعد الجواز بشهور. إيه اللي ممكن يكون غلط؟
الدكتورة قالت بحذر
أنا مش عايزة أخوفك بس لازم تعملي تحاليل بعد الولادة فورًا.
حسيت إني اتخبطت في صدري
تحليل ليه؟
لكنها ما ردتش مباشرة. قالت بس
احمي نفسك وما تولديش تحت إشراف جوزك.
